苏州话童谣

苏州话，俗称“苏州闲话”，是一种吴语方言，属吴语太湖片苏沪嘉小片。长期以来苏州话一直是吴语的代表方言之一，在历史上具有很高的地位。苏州话以软糯著称，素有“吴侬软语”之美称。

苏州话童谣有：

1、杠铃杠铃马来哉，隔壁大姐转来哉，买个啥个小菜，茭白炒虾，田鸡踏杀老蜗，老蜗告状，告畀和尚，和尚念经，念畀观音，观音烧香，烧不乌龟，乌龟嚓屁，嚓到xx嘴巴里。吭铃吭铃马来哉，隔壁大姐转来哉，带点啥个土特产？嘉兴粽子杭州篮，葑门塘藕水莼菜，娘搭送一眼，姐搭送一眼，做做人情，娘亦欢喜姐亦爱。

2、苏州玄妙观，东西两判官，东判官姓潘，西判官姓管；东判官手里拿块豆腐干，西判官手里拿块老卜干；东判官要吃西判官手里的老卜干，西判官要吃东判官手里的豆腐干；东判官勿肯拨西判官吃豆腐干，西判官勿肯拨东判官吃老卜干。

3、摇船、摆渡，摆到齐门宄角头，捡到一只挖耳头，扒扒囡囡各死孔头。

4、嗯啊嗯啊踏水车，水车里向有条蛇，游来游去捉行蟆。行蟆盘勒青草里，青草开花结牡丹，牡丹娘子要嫁人，石榴姐姐做媒人，桃花园里铺行嫁，梅花园里结成亲，爸爸喊我水红菱，姆妈喊我响铃铃。长手巾，揩房门，短手巾，揩茶盆，揩得房门茶盆亮晶晶个亮晶晶。

5、炒，炒，炒黄豆，炒好黄豆翻被头。

6、小人要唱小山歌，蚌壳里摇船出太湖，燕子衔泥哆断海，螃皮鱼跳过潼灵山。

7、小囡小囡不要哭，肚皮饿了吃冷粥咸鸭蛋，酱汁肉，小囡吃了还要哭？

8、嘛嘛驮，吃果果，爹爹转来割耳朵。称称看，二斤半，烧烧看，三大碗。爷一碗，娘一碗，还有一碗挺勒门角落里斋罗汉。罗汉勿吃荤，买个面筋囫囵吞。

9、补下来，立起来，淘淘米，烧烧饭。你吃几碗饭？我吃两碗饭；你吃几棵菜？我吃两棵菜。电灯挂起来，票子挖出来，清零框浪算算看：冬菜冬菜大头菜，香萝卜干咸橄榄。

10、落雨哉，打烊哉，小八剌子开会哉。

11、小猫咪咪，明朝初二，买斤荸荠，送把阿姨，阿姨长，阿姨短，阿姨头上一只碗，碗里有块老卜干，吃啊吃不完。

12、一只老虎一只猫，一个跟之一个跳，跳过是只大老虎，跌倒是只偎灶猫。

13、一箩麦，两箩麦，三手拍大麦，劈劈啪，劈劈啪，大麦熟，大麦香，磨面做馒头，馒头熟，馒头香，雪白馒头请先生。

14、背缸倒缸，咸菜真香，卖脱咸菜，买斗黄糠，背缸倒缸，黄糠好香，野菜拌糠，猪猡养壮。

15、编花篮，编花篮，花篮里向有小囡，小囡名字叫秀兰，秀兰、秀兰编花篮，匍下去，立起来，匍下去，立起来，……

16、正月初一吃圆子，二月里放鸽子，三月清明去买青团子，四月蚕宝宝上山结茧子，五月端午吃粽子，六月里摇扇子，七月莆扇拍蚊子，八月中秋剥剥西瓜子，九月登高去打梧桐子，十月剥开枣红小桔子，十一月太阳头里踢毽子，十二月年底搓圆子。

17、鹁鸪鸪，要做窠。早上做，露水多；点心做，热勿过；夜里做，蚊子多；想想还是明朝做。

判官 苏州 花篮 吴语 圆子